Uppflettiorð

Uppflettiorð í BÍN eru hefðbundnar uppflettimyndir beygjanlegra orða í orðabókum:

Nafnorð: nefnifall eintölu án greinis, t.d. hestur
Lýsingarorð: nefnifall eintölu í karlkyni, frumstigi og sterkri beygingu, t.d. góður
Sagnorð: nafnháttur í germynd, t.d. koma
Atviksorð: frumstig, t.d. vel
Fornöfn: nefnifall eintölu, í karlkyni þegar fornafn beygist eftir kyni, t.d. sjálfur.
Töluorð: nefnifall í karlkyni, einn, tveir, þrír, fjórir

 

Lýsing á öllum beygingarþáttum sem fyrir koma í BÍN er að finna hér.

 

Tilbúnar uppflettimyndir eru ekki notaðar:

  • Í fleirtöluorðum er uppflettiorðið því í nefnifall fleirtölu án greinis, t.d. buxur (kvk.ft.), órar (kk.ft.), feðgin (hk.ft.).
  • Í miðmyndarsögnum er uppflettimyndin (nafnhátturinn) líka í miðmynd, t.d. agnúast, óttast.
  • Í lýsingarorðum og atviksorðum sem ekki eru til í frumstigi er uppflettiorðið í miðstigi eða efsta stigi, t.d. hugarhægra, vestari (lo.mst.), albestur (lo.est.), ytra (ao.mst.).
  • Uppflettimynd lýsingarorðs er ekki höfð í karlkyni ef útilokað er að það kyn sé til, t.d. í lýsingarorðum um fjármörk sem alltaf eru í hvorugkyni, t.d. afeyrt, blaðstúfrifað.

Sjá einnig eyður i beygingardæmum.

Athugið að óbeygjanleg orð er ekki að finna í BÍN, t.d. smáorð og óbeygjanleg atviksorð.

KB 12.2.2015